多謝您付出咁多，父親節快樂！
既然父親節就黎到，我覺得都係一個好時機去講一啲真心話，記得以前中學讀書聽過有個老師講，一個細路慢慢成長可以分三個階段：
- 12歲前嘅小朋友就係得意同好玩，又對父母言聽計從，亦都係唔少父母希望自己仔女會一直停留嘅階段；
- 12歲之後就好難搞，谷心谷氣、頂心頂肺，成日都會同父母唱雙簧，因為青春期、反叛期等等魔怪都係曬呢個時段一齊作怪；
- 但係18、20歲之後又會好返啲，可能係因為開始過曬果兩個「期」。最近我都開始同意——人大左開始覺得父母冇咁煩；反之，有更多共鳴、更多理解、更多體諒、更少埋怨。
而就係呢三個階段嘅背後，佢亦有話父母放棄左唔少野，就例如係冇得即興飛轉日本等等，雖然聽上去好搞笑，但係可想而知父母嘅付出真係唔少，值得我地感激，不過呢一切嘅體會都係要去到III.先至可以感受到，希望你地可以見翻一個：有階段I.嘅可愛，無可避免地有階段II.影子，但又有階段III.嘅成熟嘅孩子
